Onbeskaamd is ‘n worship projek wat lewendig opgeneem is in Oktober 2007 met Stass, Jessie Pretorius, Carindé van Schalkwyk en Liezel Marshall. Die projek poog om aanbidders op te rig binne en buite die 4 mure van die kerk deur optredes te kom hou by jou gemeente!

Oor Onbeskaamd 

Onbeskaamd gaan daaroor om ons lig ‘onbeskaamd' te skyn. 
   
Fil.2:16 : “Skyn dan soos sterre in hierdie donker wêreld…” 
 
Sterre skyn nie asof hul skaam is nie. 
 
‘Hierdie' beteken dat jy nie n plek hoef te soek om te skyn nie, maar dat jy klaar op ‘n plek is waar jy kan skyn. ‘Donker wêreld' wys op ons onmiddelike omgewing. 
 
In Jes 6:8 vra God vir Jes: “Wie sal ek stuur? Wie sal vir My mense ‘n boodskap gaan gee?” 
   
‘n Minuut van tevore was Jes nie bereid om enige iets te doen nie, maar nadat hy gereinig is, was sy antwoord: “ Stuur my” 
   
Mag hiedie DVD en CD jou inspireer en aanmoedig om ‘n beter aanbidder te word en ‘onbeskaamd' jou lig te skyn tussen jou vriende en gebroke,honger mense.